हलिउड सुपरस्टार
लियोनार्डो डिक्याप्रियोले आफ्नो पहिलो ओस्कर अवार्ड जितेका छन् । संसारकै सबभन्दा
ठूलो फिल्म अवार्ड मानिने ओस्करमा लियोनार्डोले ‘दि
रेभेनान्ट’का लागि उत्कृष्ट अभिनेताको ओस्कर जितेका हुन् ।
आफ्नो पाँचौं मनोनयनमा उनले यो अवार्ड जितेका हुन् ।
‘द रुम’का लागि ब्री
लार्सनले उत्कृष्ट अभिनेत्रीको ओस्कर पाइन् । उत्कृष्ट फिल्ममा भने ‘स्पटलाइट’ले बाजी मार्यो ।
टम म्याकार्थीले निर्देशन गरेको यो फिल्म पत्रकारहरुको एउटा टिमले गरेको खोजमुलक
रिर्पोटिङको कथामा आधारित छ ।
निर्देशकमा लगातार
दोस्रो वर्ष अलेजान्द्रो गोन्जालेज इनारितु उत्कृष्ट ठहरिए । यी मेक्सिनले गत वर्ष
‘बर्डम्यान’का लागि निर्देशकको
ओस्कर पाएका थिए ।
सहअभिनेतामा स्टिवन स्पिलवर्गको फिल्म ‘ब्रिज अफ स्पाइज’का लागि
मार्क रिल्यान्सले पाए भने सहअभिनेत्रीमा ‘द ड्यानिस गर्ल’का लागि एलिसिया विकान्देर उत्कृष्ट घोषित भइन् ।
सिनेमाटोग्राफीमा रेभेनान्ट, सम्पादनमा म्याड म्याक्स : फ्युरी रोड, एडप्टेड स्क्रिनप्ले द बिग सट, ओरिजिनल स्क्रिनप्ले स्पटलाइट र विदेशी भाषाको
फिल्ममा हंगेरीको ‘सन अफ सोल’ले ओस्कर पाए ।
No comments:
Post a Comment