अन्तर्राष्ट्रिय टी–२० क्रिकेटको विश्व वरीयता
नेपाल पहिलो पटक प्रवेश गरेको छ । अन्तर्राष्ट्रिय क्रिकेट परिषद् (आइसिसी)ले २०७२
असार २० गते (सन् २०१५ जुलाइ ५) आइतबार सार्वजनिक गरेको वरीयता सूचीमा नेपाल १५औँ स्थानमा
परेको हो । यो वरीयता क्रमको अन्तिम स्थान हो ।
नेदरल्यान्ड्समा सम्पन्न चार अभ्यास खेलको शृंखला पूरा
गरेसँगै नेपालले अन्तर्राष्ट्रिय क्रिकेटमा महत्वपूर्ण उपलब्धि हासिल गरेको छ ।
नेपालले सात खेल खेल्दै २ सय ३५ प्वाइन्ट पाएको हो ।
यसैगरी वरीयता क्रमको पहिलो स्थानमा श्रीलंका, दोस्रोमा भारत, तेस्रोमा अस्ट्रेलिया, चौथोमा वेष्ट इन्डिज, पाँचौँमा पाकिस्तान, छैठौँमा साउथ अफ्रिका र
सातौँमा न्युजिल्यान्ड छ । त्यसैगरी, आठौंमा इङ्ल्यान्ड, नवौँमा बङ्गलादेश, दशौँमा स्कटल्यान्ड, एघारौँमा अफगानिस्तान, बाह्रौंमा नेदरल्यान्ड्स, तेहौँमा आएरल्यान्ड र चौधौं
स्थानमा जिम्बावे रहेका छन् ।
२०१४ बङ्गलादेशमा भएको ट्वेन्टी–ट्वेन्टी विश्वकप
प्रतियोगितामा नेपाली टोलीले उत्कृष्ट खेल प्रदर्शन गरेपछि आइसिसीले नेपाललाई
त्यतिबेला टी–ट्वेन्टीको
मान्यता दिएको थियो ।
शरद भेषावकर टि-ट्वान्टीको व्याटिङ तर्फ विश्व वरीयतामा ७६
औं स्थानमा रहेका छन् । उनी यसरी उत्कृष्ट सयमा पर्ने नेपालका एक मात्र खेलाडी
हुन् ।
No comments:
Post a Comment