शिक्षक सेवा आयोगले गत असारमा लिएको स्थायी
शिक्षकको लिखित परीक्षा अन्र्तगत माध्यमिक तर्फको केही विषयको परीक्षाफल प्रकाशित
गरेको छ । स्वास्थ्य, जनसंख्या तथा वातावरण, लेखा, अर्थशास्त्र, कम्प्युटर, स्वास्थ्य शारिरिकको
नतिजा सार्वजनिक गरेको हो । यस्तै संस्कृत तर्फ साहित्य, ब्याकरण, शिक्षा र भाषाको
नतिजा पनि प्रकाशन गरेको आयोगले जनाएको छ । नेपाली र अर्थशास्त्र विषयमा
मध्यमाञ्चल बाहेकका क्षेत्रको नतिजा प्रकाशन गरिएको आयोगले जनाएको छ ।
माविको बाँकी रहेका विषयको नतिजा एवं निमावि तहको
परीक्षाफल अब, क्रमैसंग प्रकाशित गर्दै जाने आयोगको तयारी रहेको
प्रशाशकीय अधिकृत लक्ष्मीराम पौडेलले बताए ।
माध्यमिकको परीक्षामा सहभागि हुन ४४ हजार ३ सय १९
जनाले आवेदन भरेका थिए । यी मध्ये ३६ हजार ८ सय ९३ जना मात्रै परीक्षामा सहभागि
भएका थिए । यस्तै निमाविमा आवेदन भरेका ३१ हजार ३ सय ६५ मध्ये २४ हजार ९ सय ९९
मात्रै परीक्षामा सहभागि भएका थिए ।
स्थायी शिक्षकको परीक्षाका लागि आवेदन भरे पनि २६
हजार भन्दा धेरैले परीक्षा नदिएको शिक्षक सेवा आयोगले जनाएको छ ।
No comments:
Post a Comment