लकडाउनभर घर बसेका सरकारी कर्मचारीलाई सार्वजनिक बिदा

तलब र खाइपाई आएको भत्ता नकाटिने
काठमाडौँ — सरकारले चैत ९ गतेपछि लकडाउनका कारण कार्यालय जान नसकेका सबै कर्मचारीहरुलाई बिदा दिने निर्णय गरेको छ ।

सरी दिइएको बिदा कर्मचारीहरुको व्यक्तिगत बिदा कटौती नगरी सार्वजनिक बिदा सरह हुनेछ।

गृह मन्त्रालयले राजपत्रमा प्रकाशित गरेको सूचना अनुसार चैत ९ गतेपछि लकडाउनका कारण सरकारी कार्यालय, निकाय र उद्योगमा दिइएको बिदा सार्वजनिक बिदामा परिणत हुनेछ।

सरकारी उद्योगका श्रमिकले पनि यही सहुलित पाउने भएका छन्। यो बिदाको अवधिलाई सम्बन्धित कार्यालय प्रमुखले हाजिरी अभिलेखमा सार्वजनिक बिदा कायम गर्नुपर्नेछ। यो अवधिमा उनीहरुको तलब लगायत खाइपाई आएको भत्ता समेत यथावत रहने गृहसचिव महेश्वर न्यौपानेले राजपत्रमा जारी गरेको सूचनामा उल्लेख छ।

कान्तिपुरबाट साभार

Share:

पुरा पढ्नुहाेस्

केही विषयगत लाेकसेवा सामग्री

लोकसेवा सहयोगी सामग्री

१. लोकतन्त्रमा राजनीतिक दलहरूको भूमिका कस्तो हुनुपर्दछ ? उल्लेख गर्नुहोस् ।
– जनताका प्रतिनिधिद्वारा शासन चलाइने व्यवस्था लोकतन्त्र हो । राजनीतिक दल जनताका प्रतिनिधिहरू पनि हुन् । लोकतन्त्रमा राजनीतिक दलले शासन व्यवस्था चलाउने भएकाले लोकतन्त्रमा यिनको भूमिका बहुआयामिक हुनुपर्दछ । जसलाई निम्नअनुसार उल्लेख गर्न सकिन्छ :
– जनताको प्रतिनिधि भई जनहितका कार्यहरू गर्ने,

– जनचाहनाअनुरूप ऐन नियम बनाउने र बनेका ऐन नियमको पूर्ण पालन गर्ने, ऐन नियम कार्यान्वयन गर्न सहयोग गर्ने,

– जननिर्वाचित भएर मुलुकको समग्र शासन व्यवस्थाको नेतृत्व गर्ने,

– देश र जनताप्रति गरेको प्रतिबद्धता पूरा गर्ने,

– लोकतन्त्र र मानवअधिकारको संरक्षण एवम् प्रवद्र्धन गर्ने,

– दलगत र व्यक्तिगत स्वार्थमा नभई राष्ट्रिय स्वार्थमा कार्य गर्ने,

– शान्ति सुरक्षा, स्थिरता, विकास, कानुनी शासन स्थापना गरी मुलुकमा सुशासन कायम गर्ने,
– समग्रमा लोकतन्त्रको स्थापना गर्नेदेखि लोकतन्त्रको सुदृढीकरण गर्नेसम्मको सबै काम गर्ने ।

२. नेपालमा खेतीयोग्य जमिनको उत्पादकत्व घट्नुको कारणहरू के–के हुन् ? उल्लेख गर्नुहोस् ।
– करिब ७८ प्रतिशत जनता कृषिमा आश्रित तथा कुल गार्हस्थ उत्पादनमा करिब ३३ प्रतिशत हिस्सा ओगटेको कृषि क्षेत्र नेपालमा एकातर्फ भौगोलिक विकटता, बसाइँ–सराइ, बढ्दो सहरीकरण आदिले खेतियोग्य जमिन घट्दै गएको छ भने अर्कोतर्फ भएको खेतियोग्य जमिनको उत्पादकत्व पनि घटिरहेको छ । यसरी खेतियोग्य जमिनको उत्पदकत्व घट्नुका विभिन्न कारण छन्, जुन निम्न छन्
– कृषकहरूमा खेती गर्ने आधुनिक उन्नत तरिकाको ज्ञान नहुनु,

– खेतियोग्य जमिनमा सिँचाइ सुविधा नहुनु,

– उन्नत बीउविजन एवम् रासायनिक मलको अभाव हुनु,

– खेतियोग्य जमिनको पूर्ण उपयोग नहुनु,

– कृषि सडक सञ्जालको विकास नहुनु,

– कृषिमा व्यावसायीकरण हुन नसक्नु,

– कृषि क्षेत्रमा दक्ष जनशक्तिको अभाव हुनु,

– व्यावसायिक कृषि विकासका लागि निजी क्षेत्रको लगानी आकर्षित नहुनु,

– दीर्घकालीन कृषि योजनाले अपेक्षा गरेअनुसार कृषि क्षेत्रमा लगानी बढ्न नसक्नु ।

३. नेपालको पर्यटन उद्योगलाई प्रभावकारी बनाउने उपायहरू लेख्नुहोस् ।
– पर्यटन विदेशी मुद्रा आर्जनको स्रोत हो । रोजगारीको प्रमुख आधार क्षेत्र हो । राष्ट्रिय अर्थतन्त्रको मेरुदण्डका रूपमा रहने पर्यटन उद्योगले नेपाललाई अन्तर्राष्ट्रिय सम्पर्कमा वृद्धि गराउनसमेत सहयोग गर्दछ । मनोरम प्राकृतिक सौन्दर्य, अतुलनीय साँस्कृतिक सम्पदा एवम् अनगिन्ती विशिष्टताका पर्यटकीय स्थलहरू रहेको नेपालको पर्यटन उद्योगलाई प्रभावकारी बनाउने उपायहरू निम्न छन् :

– सङ्ख्यात्मकको साथै गुणात्मक पर्यटनमा पनि जोड दिई पर्यटकहरूको सुरक्षाको प्रत्याभूति दिने,

– नयाँ पर्यटकीय स्थलहरूको पहिचान गर्ने,

– हवाई सेवालाई भरपर्दो, नियमित एवम् सुरक्षित बनाउँदै यसको क्षेत्र विस्तार गर्ने,

– पर्यटन सेवा केन्द्रहरूको विस्तार गर्ने,

– होटल रेस्टुराँहरूको सङ्ख्या बढाउने, होटल सेवाको नियमित अनुगमन गर्ने,

– वातावरण प्रदूषणमा नियन्त्रण र सरसफाइमा जोड दिने,

– कला, संस्कृतिको विकास एवम् सम्वद्र्धनमा जोड दिने,

– नेपालका पर्यटकीय क्षेत्रहरूको अन्तर्राष्ट्रिय जगत्मा व्यापक प्रचार–प्रसार गर्ने,

– पर्यटकहरूमाथि हुने शोषण र ठगीलाई निर्मूल गरिनुपर्ने,

– पर्यटनसम्बन्धी तालिम प्राप्त जनशक्ति उत्पादन गर्नुपर्ने,

– पर्यटन पूर्वाधार र पर्यटन बजार व्यवस्थित गर्नुपर्ने,

– आन्तरिक पर्यटनलाई बढावा गर्ने,

– शान्ति सुरक्षाको पूर्ण प्रत्याभूति गर्ने,

– राजनीतिक कारणले हुने बन्द–हडताल, चक्काजाम, चन्दा, अस्थिरता आदिको अन्त्य गर्ने,

– लगानीको वातावरण तयार गरी यस क्षेत्रमा स्वदेशी र विदेशी लगानी अभिवृद्धि गर्ने ।

४. अन्तःशुल्क प्रशासनमा सुधारका क्षेत्रहरू के–के हुन् ?
– उत्पादनमा लाग्ने कर अन्तःशुल्क हो । यो स्वदेशभित्र आन्तरिक उत्पादनमा लाग्छ । स्वदेशमा अन्तःशुल्क लाग्ने वस्तु विदेशबाट आयात गरेमा त्यस्ता वस्तुमा भन्सार कार्यालयमा अन्तःशुल्क लाग्छ । वस्तु र सेवा दुवैमा लाग्ने यो कर नेपालको परम्परागत राजस्व हो । नेपालको राजस्व प्रशासन खासगरी आयकर, मूल्य अभिवृद्धि कर र भन्सार आधुनिक राजस्व प्रशासनमा रूपान्तरण हुन थाले पनि अन्तःशुल्क प्रशासन पुरानै ढाँचामा सञ्चालित छ । अन्तःशुल्क प्रशासनका कार्यमा कम्प्युटर प्रणाली अवलम्बन गर्न नसकिएको, अन्तःशुल्कको दर र क्षेत्रमा स्थिरता ल्याउन नसकिएको, सङ्गठन संरचनामा सुदृढीकरण गर्न नसकिएको अवस्था छ । त्यसैले अन्तःशुल्कमा सुधारका पक्ष यिनै हुन सक्छन् । जसलाई निम्नअनुसार उल्लेख गर्न सकिन्छ :

– अन्तःशुल्कको दर र क्षेत्रमा स्थिरता ल्याउने,

– अन्तःशुल्क प्रशासनको सुदृढीकरण गर्ने,

– आन्तरिक राजस्वको आधार फराकिलो बनाउन अन्तःशुल्कको प्रयोग गर्ने,

– भौतिक नियन्त्रण प्रणालीलाई स्वयम् निष्कासन प्रणालीमा रूपान्तरण गर्ने,

– अन्तःशुल्कमार्फत स्वदेशी उद्योगको संरक्षण र प्रवद्र्धन गर्ने,

– नेपाल विश्व व्यापार सङ्गठनको सदस्य भएकाले घट्दो भन्सार राजस्वको स्थान पूर्ति गर्नसमेत यसको प्रयोग गर्नुपर्ने देखिन्छ । अतः यसको व्यवस्थित परिचालन आवश्यक छ । यसका लागि अन्तःशुल्कको दर र क्षेत्रमा स्थिरता ल्याउँदै साङ्गठनिक प्रणालीमा व्यापक सुधार गर्नुपर्ने देखिन्छ ।

Share:

पुरा पढ्नुहाेस्

केही बस्तुगत प्रश्नोत्तर

१. नेपाल आयल निगमले मुलुकभर युरो – ६ मापदण्डको इन्धन विक्री वितरण कहिलेदेखि सुरु गर्ने निर्णय गरेको छ ?

वि.सं. २०७६ चैत

२. अस्ट्रेलियामा सम्पन्न टी– २० महिला विश्वकप क्रिकेटको उपाधि कसले जित्यो ?

अस्ट्रेलिया

३. रिराइटेबल पेपरको विकास कुन देशका वैज्ञानिकले गरेका हुन् ?

चीन (सन् २०१८)

४. नेपाल सरकारले सबै क्षेत्रका श्रमिकलाई लागू हुने गरी पेन्सनसहितको सामाजिक सुरक्षा योजना कहिलेदेखि सुरु गरेको हो ?

वि.सं. २०७५ मङ्सिर ११

५. सरकारले सामाजिक सुरक्षा दिवस मनाउने घोषणा कहिले गरेको हो ?

वि.सं. २०७५ मङ्सिर ११

६. विश्वमै पहिलोपटक स्पेस एलिभेटर (लिफ्ट) को परीक्षण कुन देशले गरेको हो ?

जापान (सन् २०१८ सेप्टेम्बर)

७. हाल निजामती सेवामा महिला प्रतिनिधित्व कति छ ?

२५.७६

८. सन् २०२० मार्चमा प्रदान गरिएको इन्टरनेसनल कम्युनिकेसन अवार्डबाट सम्मानित व्यक्तित्व को हुनुहुन्छ ?

लक्ष्मणदत्त पन्त

९. बहुमूल्य धातु सुनलाई निक्षेपका रूपमा राख्न पाइने व्यवस्था नेपाल राष्ट्रबैङ्कले कहिले गरेको हो ?

 वि.सं. २०७६ फागुन २२

१०. राष्ट्रिय कलाश्री पुरस्कार (२०७६) कसलाई प्रदान गरियो ?

 साहित्यकार गणेश रसिक (पुरस्कार राशिः रु. एक लाख)

११. देउकेटा प्रथा कहाँ छ ?

 दैलेख

१२. बालबालिकाको क्षेत्रमा काम गर्ने अन्तर्राष्ट्रिय संस्था किवानिज इन्टरनेसनलको एसिया प्यासिफिक सम्मेलन हालै कहाँ सम्पन्न भयो ?

नेपाल (सन् २०२० मार्च)

१३. मुलुकको सबैभन्दा ठूलो सौर्य विद्युत् आयोजना कहाँ छ ?

नुवाकोट

१४. संयुक्त राष्ट्रसङ्घको आह्वानमा विश्वशान्ति स्थापना कार्यका लागि सुरक्षाकर्मी पठाउने मुलुकमा नेपाल कतिऔँ स्थानमा छ ?

चौथो

१५. हाल ज्येष्ठ नागरिकलाई सामाजिक सुरक्षा भत्ता एवं औषधि खर्चवापत मासिक कति रकम प्रदान गर्ने गरिएको छ ?

रु. दुई हजार (सामाजिक सुरक्षा भत्ता एक हजार र औषधि उपचार खर्च एक हजार)

१६. द्रव्य शाहले गोरखा राज्यको स्थापना कहिले गरेका थिए ?

वि.सं. १६१६ भदौ २५

१७. बौद्धिक सम्पत्ति संरक्षणसम्बन्धी कार्यालय कुन मन्त्रालय अन्तर्गत स्थापना गर्ने भएको छ ?

अर्थ मन्त्रालय (बौद्धिक सम्पत्तिसम्बन्धी एकीकृत नीतिमार्फत अर्थ मन्त्रालय अन्तर्गत रहने गरी बौद्धिक सम्पत्ति कार्यालय स्थापना गरिने भएको छ । नेपालले नयाँ संविधानमार्फत बौद्धिक सम्पत्तिको अवधारणालाई संवैधानिक रूपमा नै अङ्गीकार गरेको छ ।)

१८. ‘एजेण्डा फर डेभलप्मेन्ट ’ नामक विकाससम्बन्धी प्रतिवेदन प्रस्तुत गर्ने राष्ट्रसङ्घका तत्कालीन महासचिव डा. बुत्रोस बुत्रोस घाली हुन् भने सुधारसम्बन्धी क्वाइट रिभोल्युसन नामक प्रतिवेदन प्रस्तुत गर्ने महासचिव को हुन् ?

कोफी अन्नान

१९. शरणार्थी र आप्रवासीसम्बन्धी राष्ट्रसङ्घीय सम्मेलन पहिलोपटक कहिले आयोजना गरियो ?

सन् २०१६ सेप्टेम्बर १९

२०. जलविद्युत् क्षेत्रको विकासमा विदेशी लगानी भिœयाउन अमेरिकी डलरमा विद्युत् खरिद सम्झौता गर्दा हुने जोखिम न्यूनीकरण गर्न स्थापना गरिएको फण्डलाई के भनी चिनिन्छ ?

हेजिङ फन्ड

२१. एकपटक स्वीकृत भइसकेको वातावरणीय प्रभाव मूल्याङ्कनसम्बन्धी प्रस्तावमा आंशिक रूपमा भौतिक पूर्वाधार, डिजाइन वा स्वरूप परिमार्जन गर्ने, संरचना स्थानान्तरण वा फेरबदल गर्ने, वनक्षेत्र वा आयोजनाको क्षमता थप गर्नका लागि पेश भएको प्रस्तावउपर पुनः गरिने वातावरणीय प्रभाव मूल्याङ्कनलाई के भनिन्छ ?

पू्रक वातावरणीय प्रभाव मूल्याङ्कन

२२. चुम्बकले आफ्नो वरिपरि रहेको चुम्बकीय वस्तु वा अर्को चुम्बकलाई असर पार्न सक्नेसम्मको क्षेत्रलाई के भनिन्छ ?

चुम्बकीय क्षेत्र (शक्तिशाली चुम्बकको चुम्बकीय क्षेत्र ठूलो र कमजोर क्षेत्र सानो हुन्छ ।)

२३. नेपालमा सर्वप्रथम कागजी मुद्रा कहिलेदेखि प्रचलनमा ल्याइएको हो ?

वि. सं. २००२ असोज १

२४. पहिलोपटक कुसुन्डा भाषाको पढाइ औपचारिक रूपमा कहाँ सुरु गरिएको छ ?

लमही (दाङ)

२५. चुरे संरक्षणका लागि २० वर्षे गुरुयोजना मन्त्रिपरिषद्ले कहिले स्वीकृत गरेको हो ?

वि.सं. २०७४ जेठ ४ (नाराः चुरेको पानी चुरेलाई, स्वच्छ पानी सबैलाई)

२६. प्रसिद्ध भाजुपोखरी कहाँ छ ?

भक्तपुर (१२औँ शताब्दीमा निर्माण भएको ।)

२७. संयुक्त राष्ट्रसङ्घमा उपमहासचिवको व्यवस्था कहिलेदेखि गरिएको हो ?

सन् १९९८

२८. ‘तेक्वान्दो क्विन’ का नामक चिनिने नेपाली खेलाडी को हुन् ?

संगिना बैद्य

२९. युरोपेली सङ्घको प्रधान कार्यालय कहाँ छ ?

बेल्जियमको ब्रसेल्स

३०. विश्व वन्यजन्तु कोषको प्रधान कार्यालय कहाँ छ ?

स्वीट्जरल्यान्ड

Share:

पुरा पढ्नुहाेस्

Arithmetical Reasoning Questions

Type 1 : 
हरेकले हरेकसँग हात मिलाउने, कुनै खेलमा विजयी घोषित हुन हरेकले हरेकसँग प्रतिस्पर्धा गर्नुपर्ने खाले समस्याहरु :
यस्ता समस्याको समाधानको लागि निम्न सूत्र प्रयोग गर्ने,
जम्मा संख्या = n(n-1)/2 जहाँ n= जम्मा मानिस संख्या वा जम्मा सहभागी टिमको संख्या ।
उदाहरण
१. कुनै एउटा खेलकुद प्रतियोगितामा १० टिमले भाग लिएका थिए । खेलको नियम अनुसार हरेक टिमले हरेक टिमसँग खेल्नुपर्दछ भने कतिवटा खेल खेलिए होलान् ?
समाधान : खेलिएका जम्मा खेल  (Sn) =      n(n-1)/2 = 10×9/2 = 45
२. कुनै खेलकुद प्रतियोगितामा हरेक टिमले हरेक टिमसँग खेल्नुपर्ने नियम अनुसार खेल खेल्दा जम्मा 66 वटा खेल भए भने कतिवटा टिमले भाग लिएका रहेछन् ? (10, 12, 14, 16)
समाधानः यस्तो प्रश्नमा विकल्प (option) बाट उपरोक्त सूत्र प्रयोग गरी जम्मा संख्या निकाली जाँच गर्ने
यहाँः पहिलो विकल्प 10 राख्दा,
Sn= 10× 9/2= 45
दोस्रो विकल्प 11 राख्दा,
Sn = 11×10/2=55
तेस्रो विकल्प 12 राख्दा,
Sn= 12 × 11/2=66
तसर्थ विकल्प 66 ठिक छ ।

Practic Questions
१. कुनै खेलमा 5 विद्यार्थी सहभागी भए, तिनीहरुले एकआपसमा सबैसँग खेल्नुपर्ने भयो भने जममा कतिवटा खेल भयो होला ?
a) 9  B) 10       c)  24   d)  30
२. कुनै विवाह भोजमा प्रत्येकले प्रत्येकसँग हात मिलाउँदा त्यहाँ जम्मा 820 पटक हात मिलाउने काम भयो भने त्यस भोजमा कूल कति जना सहभागी थिए?
a) 40   b)  41  c) 42   d) 45
३.  राष्ट्रिय फूटबल लिग प्रतियोगितामा 10 टोलीले भाग लिइरहेका छन् । यदि हरेक टिमले आपसमा 2 पटक खेल खेल्नुपर्दछ भने विजयी टिम घोषित गर्न कति वटा खेल खेलिनुपर्छ ?
a) 45         b) 55        c)  90             d) 100

Type 2 :

चारखुट्टे जनावर र दुई खुट्टे जनावरको टाउको र खुट्टाको सम्बन्धसँग सम्बन्धित समस्याहरुः
उदाहरण
१. कुनै कोठामा केही गधा र केही कुखुराहरु रहेका छन् । यदि खुट्टाको संख्या टाउकाको संख्याको दोब्बर भन्दा 16  ले बढी छ भने गधाको संख्या कति होला ?
समाधानः गधाको संख्या = दोब्बरभन्दा बढी भएको संख्या /2 = 16/2 = 8 
२. कुनै कोठामा रहेका गधा र कुखुराको टाउकाको संख्या गन्दा 20 र खुट्टाहरु गन्दा 64 छ भने उक्त कोठामा कति वटा गधा रहेका छन् ? कतिवटा कुखुराहरु रहेका छन् ?
समाधानः सूत्रानुसार चारखुट्टेको संख्या=L/2-H
(जहाँ : L= no. of legs, H= no.of heads )
=64/2-20=12 
फेरि, दुई खुट्टेको संख्या = 20-12=8
३. कुनै खेलकुद प्रतियोगितामा 10 टिमले भाग लिएका थिए, तिनीहरुले एक आपसमा सबैसँग खेल्नुपर्ने भयो भने जम्मा कतिवटा खेल भयो होला ?
a) 28  b) 20    c) 36   d)  45

Practice Question

१. गाई र कुखुराको एक समूहमा जम्मा खुट्टाहरुको संख्या जम्मा टाउकाहरुको संख्याभन्दा दुई गुणा र 16 ले बढी छ भने त्यस समूहमा गाईको संख्या कति होला ?
a) 10    b) 6      c) 8   d) 12
२.  एउटा समूहमा केही बाख्रा र कुखुरा रहेका छन् । त्यो समूहमा खुट्टाको संख्या टाउकाको संख्याभन्दा दोब्बरभन्दा 20 ले बढी छ भने बाख्राको संख्या कति होला ?
a) 10     b) 15    c) 20   d) 12
३.  कुनै कोठामा रहेका गधा र कुखुराहरु टाउकोको संख्या गन्दा 10 र खुट्टाको संख्या गन्दा 24 छ भने उक्त कोठामा कतिवटा कुखुराहरु रहेका छन् ?
a)  6  b)  10  c)  8  d)  12

Some other Questions – Arithmatic Reasoning

1. A, B, C, D, E,F, G पोलहरु क्रमशः 1-1 मिटरले घट्दो क्रममा राखिएको छ । A र B को बीचको दुरी 10m  छ । बीचको कुनै एक पोल हटाइयो र बाँकी पोललाई बराबर दुरीमा राखियो भने कति मिटर दुरी हुन्छ ?
a) 10m   b)  15m   c) 9m   d) 5m
2.  केही विद्यार्थीहरु पिकनिक जाने र रु.  80000  खर्च गर्ने योजना बनाएका थिए । तर अन्तिम समयमा 6 जनाले पिकनिक जाने कार्यक्रम रद्द गरेकोले पिकनिक जाने बाँकी प्रत्येकले रु. 300 थप खर्च व्यहोर्नुपर्यो भने अन्तिममा पिकनिकमा कति जना सहभागी भए ?
a) 8      b)  9     c)   10 d) 12
3.  प्रमिला 31  बाट क्रमशः तलका नम्बरहरु गन्दै छिन् । रमिला 1 देखि क्रमशः विजोर संख्याहरु गन्दै छन् । यदि दुवै जनाको उच्चारण गर्ने समयको दर उस्तै भएमा कुन अंक सँगै गन्न पुग्दछन् ।
a) 21    b) 22     c)  18   d)  कहिल्यै सँगै गन्दैनन् ।
4. एउटा त्यस्तो संख्या पत्ता लगाउनुहोस् , जसलाई त्यसको वर्ग संख्यासँग जोड्दा 90 हुन्छ ?
a) 8    b)  9  c) 10 d) 11
5. 14m अर्धव्यास भएको एउटा वृत्ताकार पोखरीको वरिपरि 44 जना मानिसहरु बराबर दुरीमा उभिएका भए उनीहरु बीचको दुरी कति हुन्छ ?
a) 1m     b)  2m c) 2.5m  d) 3m
6. 25m  लामो पेलमा 6 जना मानिसहरु बराबर दुरीमा उभिएका भए उनीहरु बीचको दुरी कति होला ?
a) 4m    b)  5m      c)   10m   d) 11m
7. एउटा टेलिफोन सेटमा भएका सबै संख्याको गुणनफल कति हुन्छ ?
a)158480 b)  159480 c)  159450   d)  0
8.  विद्यालयको युनिफर्म ड्रेसको कमिज भन्दा पाइन्ट रु 100 ले महँगो छ । पाइन्ट र कमीजको जम्मा मूल्य रु 475 पर्छ भने पाइन्टको मूल्य निकाल्नुहोस् ।
a) 187.50              b) 287.50    c) 745     d) 475
9.  कुनै चौरमा 8 वटा हाँस, 12  वटा गाई र 10 वटा घोडा रहेका छन् । तिनीहरुको रेखदेख गर्नका लागि केही मानिसहरु समेत उक्त चौरमै रहेका छन् । यदि सबै टाउको र खुट्टाको गणना गर्दा टाउको भन्दा खुट्टा 78  ले बढी भए मानिसको संख्या कति होला ?
a) 6         b)  5       c)  4     d)  7
10. केही मानिस र घोडाहरु रारा तालतर्फ जाँदै छन् । घोडा र मानिसको संख्या बराबर छ । कूल मानिसमध्ये आधा घोडा मालिकहरु घोडामा बसेका छन् । बाँकी घोडालाई डोर्‍याउँदै छन् । यदि हिडिरहेका खुट्टाको संख्या 100 भए मानिसको संख्या निकाल्नुहोस् ।
a)  16  b) 18    c) 20   d) 22
11. शंकर आफ्नी श्रीमतीलाई सधैं साँझ 5:00 बजे बसपार्कमा लिन कार लिएर पुग्दछ । तर आज उनी 4:00 बजे नै बसपार्क आइ पुगिन र बसपार्कमा  5:00 बजेसम्म श्रीमान्लाई पर्खनुको सट्टामा आफ्नो  घरतर्फ पैदल हिड्न शुरु गरिन् । उनको  श्रीमान् सधैजसो समयमा घरबाट हिडे र बाटामा श्रीमतीलाई भेट्टायो उनीहरु घर सधै भन्दा 10  मिनेट अघि पुगे । ती महिला बसपार्कबाट कति समय पैदल हिडिन् ?
a) 50 मिनेट  b) 55 मिनेट  c)40 मिनेट  d) जानकारी अपूर्ण
12.  विनोद 30  कि.मि. प्रतिघण्टाको दरले दौडिन्छ भने उसले 10 मिनेटमा कति दुरी पार गर्छ ?
क) 2000 मिटर ख) 100 मिटर   ग) 5000 मिटर   घ) 1000 मिटर
13. एउटा माकुरो प्रति घण्टा 3 फिट माथि जान्छ र 20 मिनेट आराम गर्दछ । आरामकै क्रममा 2 फिट तल ओलिदो रहेछ भने त्यसलाई 10  फिटको खम्वा पार गर्न कति सम्म लाग्ला ?
क) 10:30  ख) 10:20  ग)  10:10  घ)  10:40
14.  एउटा शिकारीलाई एक जनाले सोध्यो : तिम्रो झोलामा कति वटा चराहरु छन् ? उसले जवाफ दियो : यहाँ 6 बाहेकको अरु सवै भंगेरा छन् 6 बाहेकका अरु सवै सुँगा छन् 6 बाहेकका अरु सवै हाँस छन् । अव भन्नुहोस उसको झोलामा जम्मा कति चराहरु थिए ?
क) 9 वटा  ख) 18  वटा  ग) 27  वटा  घ) 36  वटा
15. यदि एउटा लठ्ठीको लम्वाइको 1/3  भाग निलो रंग र 1/4 भाग रातो रंगले रंगाइएको छ र 15 मिटर हरियो रंगले रंगाइएको छ भने उक्त लठ्ठीको कुल लम्वाई कति होला ?
क) 36 मि. ख) 38 मि. ग) 41 मि. घ) 49 मि.
16. कुनै विश्वविद्यालयमा छात्राको संख्या शिक्षको संख्याभन्दा दोब्बर छ र छात्रको संख्या छात्राको संख्याको तेब्बर छ । अव भन्नोहोस उक्त विश्वविद्यालयमा जम्मा शिक्षक सहितको जम्मा संख्या कति होला ?
a) 12000    b) 10800    c) 11000    d) 15000
17. 100 बाघले 100 बाख्रा 100 मिनेटमा मार्छ भने 4 बाघलाइ 4 बाख्रा खान कति समय लाग्ला ?
a) 1   b)  4   c) 40  d) 100
18. 8 को तीन गुणामा 20 घटाउदा कति हुन्छ ?
a) 1     b)  2  c)  3   d) 4
19.  25 र 15 को योगफलबाट छ को वर्ग संख्या घटाउदा कति हुन्छ ?
a) 15 b)  16  c)  17  d) 18
20. त्यो सबैभन्दा सानो संख्या बताउनुहोस् जसले 3920  लाई गुन्दा गुणनफल पूर्ण वर्ग हुन्छ ?
a)  4   b)   5  c)  6  d)  7
21. 4 अंकले बनेको सबभन्दा ठूलो र सबभन्दा सानो संख्याको फरक निकाल्नुहोस् ।
a) 9999         b) 1000            c) 899       d) 0
22 . एउटा झोलामा रहेको जम्मा रु 510  रुपैयाँको रु. 50, रु. 25 , रु.20 का नोटहरु 2:3:4 को अनुपातमा छन् भने पचासको नोट कति वटा होलान् ? पत्ता लगाउनुहोस् ।
a) 10    b) 8    c) 6    d) 4
23.  एउटा कक्षामा केटाको संख्या केटीको संख्याको तेब्बर छ । तलकामध्ये कुन संख्याले कक्षाको कूल संख्यालाई प्रतिनिधित्व गर्न सक्तैन ?
a) 48    b)  44  c)  45   d) 40
24.  कुनै एक मन्दिर जाने बाटोमा २८ वटा खुड्किलाहरू छन् । शुृरुमा विनोद र हरी क्रमशः अठाइसौं खुट्किला र पहिलो खुड्किलामा छन् । विनो सधैँ दुई खुट्किला तला आउँछ र हरी सधैँ एक खुट्किला माथि जान्छ । यसरी चढ्ने ओर्लने क्रमशः तिनीहरूले एकसाथ शुरु गर्छन् र तिनीहरूको गति सामान राख्दछन् भने तलबाट कति औँ खुट्किलामा तिनीहरूको भेट हुनेछ ?
a)9th    b) 10th   c) 14th   d) None of these

साभार- प्रशासन

Share:

पुरा पढ्नुहाेस्