गुल्मीका प्रमुख जिल्ला अधिकारी प्रदीपराज कँडेल
इन्ट्रिग्रिटी आइडल नेपाल–२०१५ घोषित भएका छन् । जवाफदेहीता र पारदर्शिताको
क्षेत्रमा कार्यरत सामाजिक संस्था एकाउन्टिबिलिटी ल्याब नेपालले ‘इमान्दार र जवाफदेही राष्ट्र सेवकलाई दुई
बर्षदेखि प्रदान गर्दै आएको यो अवाड आधा दर्जनभन्दा बढी जिल्लामा जनतालाई प्रदान
गरेको सेवा र भोटिङका आधारमा प्रजिअ कँडेलले अवार्ड जितेका हुन् । आइतबार
राजधानीमा आयोजित कार्यक्रममा उपप्रधान, सहकारी तथा गरिबी
निवारणमन्त्री चित्रबहादुर केसीले इन्ट्रिग्रिटी आइडल नेपालको ट्रफी प्रदान गर्दै
कँडेललाई सम्मान गरेका थिए ।
सम्मानपछि प्रजिअ कँडेलले सम्मानले जनताको सेवामा अझ
बढी उत्तरदायी र जवाफदेही बनाउने प्रतिबद्धता जनाएका थिए । उत्कृष्ट पाँचमा परेका
बर्दिया राष्ट्रिय निकुञ्जका सहायक व्यवस्थापन अधिकृत रमेशकुमार थापा, म्याग्दीको बेनी सामुदायिक उच्चमाबिका
प्रधानाध्यापक दीपक श्रेष्ठ, सहयोगी उच्चमाबि
श्रोत केन्द्र काठमाडौंका श्रोतब्यक्ति रामनारायण शाह र खोटाङका महिला विकास
निरीक्षक भुवनकुमारी राईलाई इन्ट्रिग्रिटी आइडल नेपालको उपविजेता घोषणा गरिएको
थियो । अवार्डका लागि यस वर्ष देशभरीबाट ५ सय ५८ आवेदन परेका थिए । ती आवेदनबाट
पूर्वअख्तियार प्रमुख आयुक्त सूर्यनाथ उपाध्याय, पूर्वविज्ञान
तथा प्रविधि मन्त्री गणेश साह र ट्रान्सफरेन्सी इन्टरनेशनलका अध्यक्ष भरतबहादुर
थापाको निर्णायकमण्डलले उत्कृष्ट ५ जनाको नाम चयन गरेको थियो । यसअघि गत बर्ष
इन्ट्रिग्रिटी आइडल २०१४ मा पाँचथरका जिल्ला शिक्षा अधिकारी ज्ञानमणि नेपाल
सम्मानित भएका थिए । उनी बर्दिया जिल्लाको बबई नगरपालिकाको भुरिगाउँका स्थानीय
वासिन्दा हुन् । नेपालबाट शुरु गरिएको यो अभियान विश्वका अन्य देशमासमेत शुरु
भइसकेको आयोजक संस्थाले जनाएको छ ।
को हुन् कँडेल ?
रौतहटको जुडेबेला पुर्ख्यौली घर भएका कँडेल २०४६
सालमा शाखा अधिकृतबाट निजामति सेवामा प्रवेश गरेका थिए । कँडेल सोलुखुम्बुमा
प्रमुख जिल्ला अधिकारी रहँदा ‘टच टु फाइन्ड’ अर्थात खोजेको कागजात तुरुन्तै भेटिने गरी
कार्यालय व्यवस्थापनमा चुस्त अनि दुरुस्त बनाउने अभियान सुरु गरेका थिए ।
हाल काठमाडौंको घट्टेकुलोका स्थायी बासिन्दा
कँडेल गुल्मीमा सरुवा हुनुअघि मोरङमा सहायक प्रमुख जिल्ला अधिकारी थिए । मोरङ
सरुवा हुनु अघि उनी पाँचथरको प्रमुख जिल्ला अधिकारी थिए । पाँचथरमा रहँदा अपाङ्गता, जेष्ठ नागरिक र असहाय मैत्री कार्यकक्ष बनाएकामा
एन्टेना फाउन्डेसनले उनलाई देशभरकै उत्कृष्ट प्रमुख जिल्ला अधिकारीको रुपमा सम्मान
गरेको थियो ।
कँडेल सरल, इमान्दार, कार्यकुशल र स्थानीयसँग छिट्टै घुलमिल हुनसक्ने
स्वभावका छन् । दुई महिनाअघि गुल्मी पुगेका कँडेलले टाढा-टाढाबाट नागरिकता बनाउन
आएका गरिव नागरिकहरुलाई कपडा संकलन गरेर दिने गरेका छन् ।
उपप्रधानमन्त्री चित्रबहादुर केसीले आइतबार
कँडेललाई ‘इन्टिग्रीटी आइडल २०१५’ ले ट्रफीसहित सम्मान गरे । यो सम्मान पाउने कँडेल
नेपालका दोस्रा व्यक्ति हुन् । यसअघि सन् २०१४ मा पाँचथरका तत्कालीन जिल्ला शिक्षा
अधिकारी ज्ञानमणि नेपालले यो सम्मान पाएका थिए ।
अकाउन्टविलिटी ल्याब लाइबेरियामा इबोला
रोगविरुद्धको अभियानमा देखाएको सक्रियताको कदर गर्दै एक सरकारी नर्सलाई पनि ‘इन्टिग्रीटी आइडल’ले
सम्मान गरेको थियो ।
No comments:
Post a Comment