नेपाली
प्रसिद्ध पर्वतारोही तेन्जिङ नोर्गे शेर्पाको नाममा प्लुटो ग्रहमा फेला परेको एक
पहाडको नामाकरण गरिएको छ ।
सौर्यमण्डलको सबैभन्दा टाढा
रहेको ग्रह प्लुटोबारे अमेरिकी यानले गरिरहेको खोजपछि फेला परेको तथ्यका आधारमा
हिउँ नै हिउँले ढाकिएको विशाल पहाडलाई पर्वतारोही तेन्जिङको नामबाट नामाकरण गरिएको हो ।
उक्त पर्वतलाई नोर्गे मोन्टेस्
अर्थात् तेन्जिङ नोर्गे माउन्टेन राखिएको अमेरिकी अन्तरिक्ष एजेन्सी नासाले जनाएको
हो ।
सौर्यमण्डलको ठाउँको नाममा
नेपालीको नाउँ रहेको सम्भवतः यो पहिलो घटना रहेको नासाका एमेस रिसर्च सेन्टरका जेफ
मुरेले बताए ।
सन् १९५३ मा पहिलो पटक एडमण्ड
हिलारीसँगै विश्वको सर्वोच्च शिखर सगरमाथाको चुचुरोमा पाइला टेकेका तेन्जिङको
सम्मानमा नासाले नामाकरण गरेको हो ।
अमेरिकी अन्तरिक्ष एजेन्सी
नासाको अन्तरिक्ष यान न्यू होराइजन्स प्लूटोनजिक पुग्दै केही तस्विरहरु पठाएको
थियो ।
यानले प्लूटो र उसको उपग्रह
शारोनको पनि तस्वीर पठाएको थियो । नासाको समूहले अन्तरिक्षमा रहेका हिमश्रृंखलाको
एनिमेसन तस्विरसमेत सार्वजनिक गरेको छ ।
हेर्नुस
भिडियो कस्तो देखिन्छ नोर्गे पर्वत ।
No comments:
Post a Comment