काठमाडौं : विश्वकै होचो मानिसका रुपमा गिनिज बुक
वर्ल्ड रेकर्डमा नाम लेखाएका नेपाली नागरिक चन्द्रबहादुर डाँगीको निधन भएको छ ।
कार्यक्रमका क्रममा अमेरिकामा रहेका डाँगी अचानक
अस्वस्थ भएपछि उपचारका लागि अस्पतालमा भर्ना गरिएको थियो ।
दाङ घर भएका उनको उपचारकै क्रममा अमेरिकाको
ल्योन्डन बी जोहन्सन ट्रपिकल मेडिकल सेन्टरमा शुक्रबार मध्यान्ह निधन भएको हो ।
 |
| उपचारको क्रममा चन्द्र बहादुर डाँगी |
हालसम्मकै होचा जीवित मानिसका रुपमा गिनिज बुक
वर्ल्ड रेकर्डमा नाम लेखाउन सफल डाँगीको जन्म वि.सं. १९९६ साल मंसिर १५ गते भएको
थियो ।
उनलार्इ २०६८ फागुन १४ गते गिनिज बुक अफ वर्ल्ड
रेकर्डसले विश्वकै जीवित होचा व्यक्ति भएको पुष्टि गरेको थियो । लन्डनबाट आएका
गिनिज बुक अफ वर्ल्ड रेकर्डसका प्रधान सम्पादक क्रेग ग्लिन्डेले डाँगीको उचाइ ५४.६
सेन्टीमिटर भएको प्रमाणित गरेका थिए ।
गिनिज बुकको आधिकारिक साइटमा उल्लेख भएअनुसार १२
किलोग्राम भएका उनी विश्वमा भेटिएकामध्ये सबैभन्दा होचा प्रमाणित भएका थिए ।
यो कीर्तिमान यसअघि भारतका गुल मोहम्मदको नाममा थियो । जसको उचाइ ५७
सेन्टिमिटर थियो। जीवित व्यक्तिमध्ये सबैभन्दा होचाको कीर्तिमान यसअघि फिलिपिन्सका जुन्रे वालाविङ को
नाममा थियो।
स्रोतः अन्नपूर्ण पोष्ट
No comments:
Post a Comment